Kontrataziorako diru-laguntzak
Diru-laguntzen baldintza orokorrak
- Lanbide – EEZn lan-eskatzaile bezala izen emanda dauden Barakaldoko langabetutako pertsonen kontratazioa.
- Kontratuen gutxieneko iraupena: 3 hilabete, lanaldi erdian
- Kontratuek enplegu sorrera garbia sortu behar dute, azken hiru hilabeteetako batez besteko plantillarekin alderatuta.
- Gehienez 3.000 €-ko laguntza hiru hilabeteko lanaldi osoko lan-kontratuko, eta gehienez 6.000 €-ko laguntza sei hilabeteko edo hortik gorako lanaldi osoko lan-kontratuko; nolanahi ere, laguntzaren amaierako zenbatekoa ezin da soldata-kostuen %75 baino handiagoa izan.
- Kontratatutako pertsonak gizatalde berezi batekoak badira, ezingo dute soldata-kostuen %100 gainditu, kontratatutako pertsonen kontratu-bukaerako eta Gizarte-Segurantzako indemnizazioak barne, 9.000,00€-ko gehienezko muga izanda.
- Gizatalde berezitzat hartzen dira: Diru-Sarrerak Bermatzeko Errentaren hartzaileak edo onuradunak, 35 urtetik beherako pertsonak, Lanbide - EEZn lan-eskatzaile gisa egon direnak kontratua sinatu aurreko 540 egunetan, aldi horretan zehar gutxienez 360 egun langabezian egon badira, eta 55 urtetik gorako langabeak.
- Adierazitako diru-laguntza guztien zenbatekoa %10-ean haziko da emakumeen presentzia gizonekiko %50 gutxiagoko langintzan dauden emakumeen kontratuetan. (Aipatutako lanbide horiek dauzkan taulan egiaztatu)
- Diru-laguntza eska daiteke 2019ko martxoaren 26tik 2020ko apirilaren 1era arte eginiko kontratuengatik.
Diru-laguntzak eskatzea
Jarraian laburtzen dizugu zer dokumentu erantsi behar duzun eskaera egitean.
1.- Enpresari edo erakundeari dagozkion dokumentuak:
- Dagokion Erregistro Publikoan behar bezala erregistratutako enpresaren eraketa-eskrituren fotokopia.
- Identifikazio Fiskaleko Zenbakiaren fotokopia.
- Legezko ordezkariaren (izaera juridikoa ez duten erakundeen kasuan, erakundea osatzen duen pertsona bakoitzeko bat) NANaren fotokopia, eta, hala badagokio, ahalordea emateko eskritura.
- Dagokion Ogasunak igorritako ziurtagiria, EJZ alta eta aipatutako zergaren azken ordaingarria egiaztatzen dituena. Ordaintzetik salbuetsita egonez gero, erantzukizun-aitorpen baten bidez egiaztatu beharko da.
- Hala badagokio, lantokia Barakaldon irekitzeko eskaeraren fotokopia.
- Izaera juridikorik ez duten erakundeen kasuan, Identifikazio Fiskaleko Zenbakia. Gainera, kide bakoitzaren exekuzio-konpromisoak eta bakoitzari aplikatuko zaion diru-laguntzaren zenbatekoa.
- Gizarte-Segurantzaren eta (dagokion Ogasunak igorritako) zerga-betebeharren kunplimendua egiaztatzen dituzten ziurtagiriak. Ziurtagiri horiek guztiek deialdi hau argitaratu osteko data eduki beharko dute.
- Diru-laguntzei Buruzko azaroaren 17ko 38/2003 Lege Orokorraren 13. artikuluan bildutako egoeratan ez dagoela ziurtatzen duen erantzukizun-aitorpena (eskaeraren dokumentuari erantsita).
- Diru-laguntza eskatzen den kontratazioetan ahaidetasun-harremanik ez dagoela frogatzeko baldintzak betetzen direla aitortzen duen erantzukizun-aitorpena (eskaeraren dokumentuari erantsita).
- Bestelako laguntza batzuk badaude, egoera hori berori azaltzen duen erantzukizun-aitorpena (eskaeraren dokumentuari erantsita).
- Enplegu-sorrera garbia egiten dela jakinarazteko erantzukizun-aitorpena (eskaeraren dokumentuari erantsita).
- Diru-laguntza abonatzeko hartzekodunaren - hirugarrenen fitxa
2.- Kontratuari dagozkion dokumentuak:
- Lan-kontratuaren fotokopia eta Lanbideri horren berri eman izanaren egiaztagiria.
- Langilearen Gizarte-Segurantzaren alta-agiria.
- Gizarte-Segurantzaren Diruzaintza Orokorraren ziurtagiria, diruz lagunduko den kontratua duen pertsona lanean hasi aurreko hiru hilabeteetan enpresa horretan zegoen batez besteko langileen kopurua adierazten duena.
- Gizarte-Segurantzaren Diruzaintza Orokorraren ziurtagiria, diruz lagunduko den kontratua duen pertsona lanean hasi zen egunean enpresa horretan zegoen langile kopurua adierazten duena.
- Kontratazioa eta lanaldiaren ehunekoa arautzen duen hitzarmena (eskaeraren dokumentuari erantsita aurkeztu behar da).
3.- Kontratatutako pertsonari dagozkion dokumentuak:
- Kontratatutako pertsonaren NANaren fotokopia.
- Kontratatutako pertsonaren lan-bizitzaren txostena.
- Kontratatutako pertsona langabezian dagoela egiaztatzen duen dokumentua (Lanbide - Euskal Enplegu Zerbitzuaren, DARDE ziurtagiria).
- Hala badagokio, kontratatutako pertsonak DBE jasotzen duela egiaztatzen duen dokumentua.
- Hala badagokio, kontratatutako pertsonak ezgaitasunen bat duela egiaztatzen duen dokumentua.
- Hala badagokio, drogazaletasun-arazoak dituzten edo bestelako mendekotasun-arazoak dituzten eta errehabilitazioko edo gizarteratzeko prozesuan dauden pertsonak direla egiaztatzen duen dokumentua.
- Hala badagokio, espetxe barruan dauden pertsonak izanda, presondegiko egoera enplegu batera sartzea baimentzen duen, eta uztailaren 6ko 782/2001 Errege Dekretuaren 1.artikuluan araututako lan-erlazio bereziaren eremu aplikagarrian sartuta ez dagoen lan-erlazioa dutela egiaztatzen duten dokumentuak, bai eta baldintzapeko askatasuneko pertsonen eta giltzaperatu ohien kasuan ere.
- Hala badagokio, Euskal Autonomia Erkidegoko agintaritza eskudunek baimendutako urgentziazko bizitoki-zentroetan ibili direla egiaztatzen duen dokumentua.
Diru-laguntzen arauak
Barakaldoko enpresek 2019ko martxoaren 26a eta 2020ko apirilaren 1aren bitartean, langabetutako, Lanbiden lan-eskatzaile bezala izen emandako, eta Barakaldon erroldatutako pertsonei burututako kontratazioentzat.
- Oinarri arautzaileak: BAOn argitaratuak (2019ko abuztuaren 21a)
- Deialdia: BAOn argitaratuak (2019ko abenduaren 23a)
Barakaldoko enpresek 2019ko ekainaren 1a eta 2020ko apirilaren 1aren bitartean, langabetutako eta Lanbiden lan-eskatzaile bezala izen emandako pertsonei burututako kontratazioentzat.
- Oinarri arautzaileak: BAOn argitaratuak (2019ko abuztuaren 21a)
- Deialdia: BAOn argitaratuak (2019ko abenduaren 23a)